ياقلـــــــــــــــب

من طرف **الحـــــر** الإثنين سبتمبر 28, 2009 3:34 am

ياقلب لا تشكي همومك على الناس
ماكل شخص(ن) يعذرك في مصابــك

لاتسكب الدمعه على خد حسـاس
ولا تحرق اوراق الزهر في عتابـــك

ولا تضيق الصدر المولع بالانفـــاس
ولاتقطع عروق(ن) بكت عند بابـك

ياقلب ولله مابقى بعيني انعـــاس
يومك شكيت الحب محد(ن) درابك

النار ما تحرق سوى رجل من داس
وللي كواه الحب يفهـــم خطابـــك

قبلك شرب مجنون ليلى من الكاس
واليوم نفس الكاس تسقى شرابك

ياقلب اعرف معدنك معدن الماس
توفي لحبيب الروح لوهو رمابــــك

ياقلب خلك بالشدايد قـوى بـاس
لا تلتفت للجـــرح لوهـو سطابـك

ياقلب لا تسقي عروقك من الياس
وخل الامل والصدق دايــم زهابـك

مادام طاحت فاسك اليوم بالـراس
اعذر جميع الناس واخفي عذابـك