((الناس صح اجناس ))الشاعر احمد المنيعي

الناس صح أجناس و ألوان و أشكال & و الفرق يظهر في الهمم و الطبيعة

رجـــال تــطمح للمــعالـي و تنــتال & ورجــال ترضـى بالحــياة الوضيعة

ورجال تهوى العيش في عز وإقبال & و رجال عـاشـت بـالرداء و الخديعة

و رجال مـــا تخضع لـظالم و بطال & ورجــال للبــاطــل ذلـيلـة مـطــيعـة

ورجال مــــا ودك تـعـرض للأجال & ورجال لا الله شـلـهـم فــي قلـيـــعــة

ورجال تشتي شوفهم طول ما طال & ورجــال تــرغب هجرهم و القطيعة

ورجـــال جــودتهم عــوايد ومدهال & و رجــال مــا تعــرف تـقـدم صنيعة

ورجال تسعى في هوى النفس هروال & و تعيش فـي حـب الملـذة صـريعة

ورجال تصــحا فــي السـحر للتنفال & فــي طـاعة الـفرد الصـــمـد مستميعة

ورجـال مـهزوزة ومـن طبع الأنذال & تفــسـل و تصــنع للفــسـالـة ذريعة

ورجال تثبـت في الشدائد و الأهوال & مــثــل الحيــود الــشامخــات المنيعة

وهــكـذا الـدنيــا بـها أشـباه ورجـال & و أنــا ســلامــي للرجـــال الــوقيــعة

يا دعـوة الرحمن يحـموش الأبـطال & أهل الـنـفوس المـخـلـصـة و القــنيعة

ذي مــا تأثر بالـمـصـالـح والأمـوال & ولا تـسـاوم بـالـشـرف و الــشــريعة

رجـــال تبغض كـل خـاين و محتال & وتصاحب أصحاب الطموح الرفيـعة

ذي سخروا للدعوة المـال و الحــال & دفــاع مـتــواصــل ونــجــدة سـريعة

مهما جلس دمعي علـى القدس همال & و الـقـلب مــتــأثر ونـفـسـي وجـيـعـة

لا يأس لا استسلام و النصر وصال & بــا تـنصـر الأقصــى شبـاب الطـليعة

اسـتبـشروا يـا كـل فـارس و خـيـال & و أتــوحـدوا فــي صــف سـنة وشيعة
الشاعر احمد المنيعي مارب