//من باعنا ياقلب معاد نبغية//

من طرف **غريب الدار** الأحد يناير 10, 2010 7:25 am

ياقلب وين اللي تعزه وتغليه
من دون كل الناس دايم توده
ياما نهيتك عنه واتقول انا ابيه
لا قلت هده قلت مقدر اهده
اليوم بان اللي يكنه ويخفيه
شوف الحقيقه بان مزحه وجده
ياقلب ماني لعبتٍ بين اياديه
اشطب عليه وكل الابواب سده
من باعنا ياقلب معاد نبغيه
لوكان مفتاح السعاده بيده
في هاالزمن مافيه واحد تصافيه
معاد باقي حب ولا موده
عذبتني ياقلب ماتفتهم ليه
كل شخص يضحك معك صاحب تعده
اذا لقيت انسان تقدر تثق فيه
انا اطلبك واقول لك لا تهده

ابيااااات مقتطفه
من قصيده الشاااعر المحبوب /فرحان الفدعاني
اخترتهاا لكم تعبر عن احسااس صادق نعانيه
ونعيشه في هذا الزمن
,,,

تحياااتي لكم